703

<< Nr. 702 | Index | Nr. 704 >> 

Absender: Zwingli

Empfänger: Wattenwil, Nikolaus von

Ort: (Zürich)
Datierung: 24 III 1528

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 400-403

--400--

Gratiam et pacem a domino.
Claronę res melius habent, quam sententia in comitiis decreta
polliceantur. Iacobus Wagner legatus vester scite et prudenter

--401--

omnia egit atque non parvam laudem abstulit. Gratię deo, qui vobis
tales viros quottidie germinat. Mihi sic placuit, ut non dubitem eum
propediem Sępianis et Dillemannis et integritate et rerum peritia
fore similem. Bremgarti [!] manum iniecit monacho isti, quem
doctorem Iesum vocant, itidem constanter et moderate gesto negocio,
ut optimi quidam eorum civium magnopere commendent pręmaturam
maturitatem. Sed nunc ista admonent, quorum causa te nunc maxime
literis istis turbo. Cum Iacobus vester a senatu Bremgarti
postulavisset, ut monachus aut pręhenderetur, aut vadimonium
"verbürgnus" in re capitali pręstaret, pro legibus et more municipii
huius, prodiit Huldrychus Mutschli, sęnator opulentus, ac vadem

--402--

se constituit. Permisit ergo sęnatus, ut more civium satis dederit
monachus et pro cive reputetur in hac causa. Hic ergo suadent,
qui isthic ab euangelio sunt, ut, si vobis videatur, id postuletis a
senatu Bremgarti, quandoquidem Ioannes Burckardi, id enim
nomen habet monachus, missionem honesti et boni viri (brief und
sigel, das er erber und von eren da sy; einn kundschaft, die einer
bringt, so er burger wirt. Abscheid) nunquam attulerit Bremgartum,
nec enim possit, non stetur vadimonio Mutschli, pręsertim cum prius
etiam aufugerit monachus, donec Mutschli vadem se pręstaret.
Sic enim fieri putant, ut libere liceat quorundam conatibus obstrepere,
qui eum contra leges et ius tuentur. Est autem manifestarius fur
monachus iste. Nos furtorum eius multa genera habemus, certa et
indubitata, quę ab Argentorato, ubi admisit, ad nos dederunt amici;
at isto momento ad manum non sunt, sed apud abbatem Capellę;
sed primo quoque tempore repetam. Istis interim duobus furtis contenti
sitis; nam Argentorati sufficiens testimonium habebimus;
magnum modum tritici furatus est ad cellam suam siti, per foramen,
quod a meretricula sua divenditum est. Reddidit etiam. Et crucem
auream, ein guldin krytzell etc. Quę omnia ita sunt manifesta, ut
nulla possit tergiversatione negari. Si ergo ante constitutum diem
scriberetis sęnatui Bremgartensi, profuturum putant; facile fiet
tabellione vestro ad nos aliove proficiscente.
Vale.
24. Martii 1528.
H. Zuinglius tuus; ocissime scripsi.

--403--

Salvos iube amicos et fratres omnes, pręsertim tuos, et
Trempium. Virum istum mire candidum et pium tibi commendo;
Balthazari nomen est; fideliter servivit in excudenda disputatione;
gravissima opera sustinere didicit, adeo ut ego admirer hominis
tolerantiam. Frater fuit Küngsfeldii; uxorem isthinc duxit
Graveneggiam, sorori tuę notam. Iterum vale.
Nobilissimo antiquissimoque viro Nicolao Vadivillio, domino suo
cum primis colendo.