709

<< Nr. 708 | Index | Nr. 710 >> 

Absender: Schnider, Hartmann

Empfänger: Zwingli

Ort: Ruod
Datierung: 3 IV 1528

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 419-420

--419--

Gnad und frid von Gott, unferem himlischen vatter, durch Christum
Jesum unserem [!] herrenn syg mit dir allzit und allen gelöubigen, amen.
Vilgeliepter bruoder, wüsse, das ich der vorvergangner wuchen, im
namen des capittels, zuo Bernn, noch miner herren beselch und bott, mit
sampt anderen capittelsbruederen erschinen, und da von unseren herren
all ermanet, das wir yetzfürhin innen allein gehorsammen (und das billich),
und untz [!] gantz und gar verzyhind bistofflichen [!] eydts, ouch das wir
widerumb uffrichtind das nachtmal des herrenn, zuo welchem wir noch un=
geschickt, nnd mangel hand am brott, und aber die zitt vor handen.

--420--

Ulls ich mich nun desselbigen mit sampt anderen miner brueder vor
unseren mittbruederen, predicanten und anderenn yetz gelerten zuo Bernn,
so von üch gezogen, gehatt und erklagt hatt, vermeynten die üweren, wir
möchten 's woll überkomen by üch zuo Zürich. Deßhalb unser aller brueder
in minem capitel ernstlich und trungenliche bitt, das du zöugern differs [!]
brieffs wellist anzeygen, wo er ettwan 5000 brot überkomen mocht, oder
etwan einen bruoder bitten, der im somlichs hulffe kouffen; wellen wir umb
üch verdienen. Wüsse, das ich kranck gon Bern geritten bin und krencker
wider umhin etc.
Die gnad Christi sy mit üch allen.
Datum zuo Ruod, 3. Apprilis 1528. jar.
Din alzit williger bruoder Hartman Schnider, dechan zuo Ruod.
An min vilgeliepten christenlichen bruoder Uolrich Zwingly,
byschoff im grossen Münster Zürich.