784

<< Nr. 783 | Index | Nr. 785 >> 

Absender: Werdmüller, Ulrich

Empfänger: Zwingli

Ort: Rickenbach
Datierung: 10 XII 1528

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 616-617

--616--

Christum, quem praedicamus, in quo et stamus, noscere cupientibus,
operepretium duxi dextras porrigere. Mi humanissime pater
Igitur opem, pias aures, solitam et tuam benignitatem praesentium latori
ostende, qui non in sermone, sed vera pietate euangelii negotium agere
callet. Cuius ènim nunc Christianus animus consilii est expers super
conflictus et accusationes parrochi in Gachnang, qui suo dentato ore cum
contubernalibus pias mentes lacessere non cessat et Christi doctrinam,
ad quam stat ut asinus ad lyram, infamare. Calamitosum dictu huiusmodi
lernę vitiorum (cum paroetia Gachnang partim ad dominos nostros
Thuricenses, in hoc negotio me iudice nimium frigidos (verbo absit
invidia), spectet) connivere. Quid deliberatur? Cum turpe sit in re
deliberare, et que per se sancta, vera, iusta et honesta est, quousque

--617--

animi fidelium pagi Tigurini suspenduntur? cuius messis non albescit
solum [Joh. 4. 35], sed carbunculatione vexatur. Miserum est, agrum
tam fertilem et populosum ob paucos sanguine claros, ne dicam sanguine
Christiano se pascentes et Thurrcis immitiores, sceleratissimis insigniores,
aratro, ligonibusque et bidentibus philosophię Christi non
proscindere. Sit ergo iuste tuum Christianum pectus propitium huic
adversus hunc in Gachnang non rectorem, verum nebulonem, impostorem,
turpiorem quovis Phormione et lenonibus famosiorem, mi
Hulrice, quem non dimidium animę meę, sed totum una tecum facio.
Gratia domini tecum.
Ex pago Rickennbach 10. Decembris anno etc. 1528.
Hulricus Werdmüller, humillimus
et servulus deditissimus.
Viro laude digno magistro Uolrico Zwingly, domino suo colendissimo.